Форум туралы

2024 жылдың 11-12 қарашасында «Түркітілдес журналистер қоры» «Шеврон» компаниясының серіктестігінде Қазақстанның Алматы қаласында өтетін IV Халықаралық түркітілдес журналистер медиа форумын ұйымдастырады. Медиа форумға Қазақстан, Еуропа елдері, Түркия, Орталық Азияның БАҚ басшылары, журналистер, ақпарат және туризм саласына қатысты мемлекеттік органдар, депутаттар PR менеджерлер, медиа саласындағы үкіметтік емес ұйым өкілдері, туризм саласының мамандары, ЖОО журналистика факультеттерінің декандары мен студенттері, Қоғам қайраткерлері қатысады.

Түркі әлемінің медиа саласындағы маңызды мәселелерді талқыға салатын халықаралық алаң – «TURKTIME: ТҮРКІ ЕЛДЕРІНІҢ МЕДИА ЖӘНЕ ТУРИЗМ БІРЛІГІ» тақырыбындағы медиа форумда дәстүрлі журналистика мен әлеуметтік медианың жаңа тенденциялары, жасанды интеллекттің медиа кеңістікке әсері, жасанды интеллектті ақпарат жинау, сараптамалық мәліметтер, контент қалыптастыруда пайдалану, БАҚ-та жасанды интеллектті қолданудың этикалық қыры, болашақта үстемдік құратын контенттің тиімді форматы, VR/AR, интерактивтік медиа, медиа компаниялар медиа нарықтағы жаңа форматтар мен платформалар, контентті монетизациялау т.б. туралы айтылады.

Туризм саласындағы өзара тиімді ынтымақтастықты күшейту мақсатында түркі мемлекеттерінде PR және маркетинг құралдарын тиімді пайдалану арқылы туризм секторының дамуына ықпал ету, мемлекеттік және жекеменшік құрылымдардың туристік PR-ды дамытудағы рөлін нақтылау, туристік маркетинг саласындағы мамандарды оқыту және кәсіби білігін арттыру, туристік жобалар мен бағдарламаларды қаржыландыру, түркі әлемінде туризмді дамытудың бірлескен стратегиясын әзірлеу, туризм инфрақұрылымын дамытуға инвестициялар тарту т.б. туралы пікір алмасылады.

Медиа форумда аймақтық БАҚты дамыту мәселелеріне басымдық беріледі. Атап айтқанда, қазір Қазақстанда жергілікті аймақтық ақпарат құралдары жиі кезігетін экономикалық қиындықтар: жарнамадан түсетін кірістердің төмендеуі, дәстүрлі БАҚ пен интернет-ресурстардың бәсекелестігінің артуы, сапалы контентті шығаруға кететін шығындардың көбеюі; тәжірибелі мамандардың тапшылығы, жергілікті билік пен мүдделі топтар тарапынан болатын моральдық және материалдық қысымдар, аймақтық БАҚ-тың бәсекелестік қабілетін арттыру, жарнама, ақылы жазылымдарды дамыту, басқа ақпарат құралдарына контент сату, ақылы қызметтерді ұсыну арқылы табыс көздерін әртараптандыру мәселелері кеңінен сөз болады.

IV Халықаралық түркітілдес журналистер медиа форумы шеңберінде қатысушыларға «Әлеуметтік журналистика: БАҚ-тағы әлеуметтік мәселелер» жобасы бойынша дәстүрлі журналистика, travel journalism, жалған ақпарат пен ақпараттық манипуляцияны анықтау, жасанды интеллектті медиада тиімді қолдану тақырыптарына семинар-тренингтер  ұйымдастырылады.

Медиа форум қорытындысында «Түркітілдес журналистер қоры» ҚҚ «Шеврон» компаниясы мен Halyk Bank серіктестігінде өткізген «Әлеумет – қоғам айнасы»-2024, «Еркін сөз»-2024, «Туған жерім – тұғырым»-2024 шығармашылық байқауларының жеңімпаздары марапатталады.

“Шеврон” — әлемдегі жетекші интеграцияланған энергетикалық компаниялардың бірі. «Шеврон» сенімді, қол жетімді және таза энергия өркендеу мен тұрақты болашақ үшін қажет деп санайды. «Шеврон» мұнай және табиғи газ өндірумен, ЖЖМ, мұнай—химия өнімдері мен қоспалар өндірумен айналысады және біздің бизнес пен саланы дамыту үшін технологияларды әзірлейді. Біздің мақсатымыз — біздің қызметіміздің көміртегі сыйымдылығын төмендету және дәстүрлі бағыттарымызбен қатар бизнестің төмен көміртекті бағыттарын дамыту. «Шеврон» компаниясы туралы қосымша ақпарат: www.chevron.com. 

«Түркітілдес журналистер қоры» қоғамдық қоры 2014 жылдың 11 қарашасында құрылған. Қордың жанынан Қазақстандағы Әйел журналистер клубы, Жас журналистер мектебі, Медиа тренерлер мектебі ашылған. Басты мақсаты – қазақ тілінде хабар тарататын БАҚ өкілдерінің кәсіби білігін арттыру. Қордың ресми сайты: www.ttjk.kz